Shpallja e gjendjes së jashtëzakonshme, vrasjet, djegiet, shpërthimet e depove sollën një situatë surreale në Shqipëri, marsin e vitit 1997. Në situatën e një lufte civile, “Gazeta Shqiptare” dhe gazetat e tjera e pezulluan përkohësisht botimin.
Në pamundësi pra, për t’ju sjellë si çdo ditë “GSH”-në e 20 viteve më parë, do të botojmë (përsëri, përkohësisht) në këtë rubrikë foto dhe video të marsit ’97 për të njohur ose kujtuar çmendurinë kolektive që na përfshiu 2 dekada më parë.
Si sot në 16 Mars 1997
Data e 16 Marsit shënon rimarrjen e aeroportit të Rinasit. Ndërkohë Parlamenti miraton Qeverinë e Pajtimit Kombëtar. Krijohet gjithashtu Komiteti për Shpëtimin e Durrësit. Ndërkohë që nis çarmatosja e bandave në Elbasan, në Tiranë vriten 10 persona nga të shtëna armësh.