Pas fotografisë së Dritan Shakohoxhën me Bufonin, ku të dy së bashku bënin shenjën e shqiponjës, sot ka qarkulluar një foto e ngjashme, por e mesfushorit dhe autorit të golit ndaj Shqipërisë Daniele De Rossi.
Ndërkohë, pas fotos së Dritan Shakohoxha me portierin e Kombëtares së Italisë, Xhanluixhi Bufon, duke bërë simbolin e shqiponjës dykrenore, kanë reaguar mediat serbe. E përditshmja “Kurir”, shkruajti pas ndeshjes, se “gardiani” i Juventusit nuk do të ketë më simpatinë e serbëve, pas këtij veprimi.
“Portieri i Juventusit, Xhanluixhi Bufon, është pa dyshim mjaft popullor në mbarë botën, por në të ardhmen nuk do të ketë simpati të madhe nga serbët. Pas ndeshjes me Shqipërinë, portieri i kombëtares italiane bëri me dorë shqiponjën dykrenore, simbolin e ‘Shqipërisë së Madhe’. Legjenda nga Torino e bëri këtë së bashku me gazetarin Dritan Shakohoxha, i cili vazhdimisht poston foto të kriminelit Ramush Haradinaj”, shkruajti“Kurir”.