Shpallja e gjendjes së jashtëzakonshme, vrasjet, djegiet, shpërthimet e depove sollën një situatë surreale në Shqipëri, marsin e vitit 1997. Në situatën e një lufte civile, “Gazeta Shqiptare” dhe gazetat e tjera e pezulluan përkohësisht botimin. Në pamundësi pra, për t’ju sjellë si çdo ditë “GSH”-në e 20 viteve më parë, do të botojmë (përsëri, përkohësisht) në këtë rubrikë foto dhe video të marsit ’97 për të njohur ose kujtuar çmendurinë kolektive që na përfshiu 2 dekada më parë.
Si sot në 3 prill 1997
Gjendja vazhdon të jetë tejet e tensionuar edhe brenda Partisë Demokratike pas mbledhjes së Kryesisës. Shumë anëtarë të PD bëjnë përgjegjës qeverinë për gjendjen alarmante të krijuar në vend. Ndërkohë vazhdon të jetë frika e bandave, përplasjet me armë dhe plagosje të shumta.