Ushtronte dhunë fizike dhe psikologjike ndaj bashkëshortes, por është arrestuar në flagrancë nga Policia e Bulqizës. Ka qenë bashkëshortja e tij, shtetësja D.M, 41 vjeçe, e cila nuk ka duruar më, por është paraqitur në komisariat, duke e denoncuar burrin.
Uniformat blu menjëherë kanë vënë në pranga 41-vjeçarin Ismail.M, i cili akuzohet për veprën penale “Dhunë në familje”.
Njoftimi i policisë
Ushtron dhunë psikologjike dhe fizike ndaj bashkëshortes
Arrestohet nga Policia
Nga Specialistët për Hetimin e Krimit në Komisariatin e Policisë Bulqizë, është bërë arrestimi në flagrancë i shtetasit:
Ismail M., 41 vjeç, banues në Bulqizë.
Arrestimi i tij u bë pasi në Komisariatin e Policisë Bulqizë është paraqitur dhe ka bërë kallzim shtetasja D.M, 41 vjeçe (bashkëshortja e shtetasit Ismail M.), se për motive të dobëta, në banesën e tyre ka ushtruar dhunë fizike dhe psikologjike ndaj saj.
Materialet hetimore i kaluan Prokurorisë Rrethit Gjyqësor Dibër, për veprën penale “Dhunë në familje”, parashikuar nga neni 130/a paragrafi 3 , i Kodit Penal.