Ndryshimi i datës së zgjedhjeve nga 18 qershori më 25 qershor, ka sjellë edhe ndryshime në datën e provimeve me zgjedhje të maturës shtetërore. Kështu, nga data 24 që ishte vendosur më herët, ajo është zhvendosur një ditë më përpara, pikërisht më 23 qershor.
Ndryshimi i datës së provimeve me zgjedhje të maturës vjen si pasojë se shumë shkolla përdorën si qendra votimi, ndaj dhe nuk mund të jenë gati për të dyja proceset.
Kështu, ditën e sotme ministria e Arsimit dhe Sporteve ka nxjerrë urdhër që provimi me zgjedhje të mbahet më 23 qershor.
Për të lëvizur datën e provimeve të Maturës Shtetërore, ministria ka përdorur ligjin e Qendrave të Votimit, ku thuhet se ato duhet të jenë gati 24 orë përpara procesit zgjedhor. Shkresa mban firmën e Lindita Nikollës, e shkarkuar tashmë nga kjo detyrë. Vendin e sa e ka zënë një tjetër femër, pikërisht Mirela Karabina, e cila do të jetë ministre teknike.