Denis Demiri, 43 vjeç u arrestua sot së bashku me Ardian Serezin, 49 vjeç, pasi janë autorët e dyshuar të vrasjes së biznesmenit biznesmenit Memli Begalla në zonën e Bllokut.
Por, 43-vjeçari Demiri nuk është i panjohur për policinë e kryeqytetit, pasi ai rezulton person me precedentë penalë për vrasje të mbetur në tentativë, vjedhje me armë dhe armëmbajtje pa leje.
Mësohet se Demiri është arrestuar më 1 prill të vitit 2012 pranë Maternitetit të Ri tek zona e “Brrylit” në Tiranë teksa përgatitej të kryente një tjetër vrasje.
Në atë kohë Demiri po përgatitej të vriste shtetasit F. A., banues në Kinostudio Tiranë, pas një sherri për motive xhelozie.
Njoftimi i policisë në vitin 2012
“Arrestimi u bë mbi bazën e informacioneve të besueshme se ky shtetas po përgatiste të kryente vrasjen e shtetasit F. A., banues në Kinostudio Tiranë, pas një sherri për motive xhelozie, të ndodhur ndërmjet tyre disa ditë më parë. Konkretisht, shtetasi Denis (Alban) Gani Demiri, u kap më datë 01.04.2012, rreth orës 22:00 me një armë zjarri në brez, të mbushur me fishekë gati për qitje, në një lokal pranë Maternitetit të Ri të Tiranës, në prani të 3 personave të tjerë. Në cilësinë e provës materiale u kap dhe sekuestrua arma e zjarrit pistoletë “TT”, me një krehër pistolete me 8 copë fishekë në të”.
Denis Demiri, u arrestua në banesën e tij, ndërsa nga përgjimet e policisë janë regjistruar biseda ku 43 vjeçari i shprehej Ardian Serezit se shpëtuan dhe se për vrasjen e Begallës janë arrestuar të tjerët.
Dy autorët janë tradhtuar nga shenjta e gishtave të lënë në një lokal, pasi policia ka mbajtur në vëzhgim prej disa ditësh makinën më të cilën ata lëviznin.
