EKONOMI

“Zagoria zonë e mbrojtur”, anulohet investimi prej 42 milionë dollarë

12:12 - 28.01.19 Gazeta Shqiptare
GSH APP Download on Apple Store Get it on Google Play

Qeveria shqiptare dhe dega lokale e “Royal Dutch Shell” kanë hequr dorë nga plani për të kërkuar naftë në një zonë të mbrojtur në rajonin e Gjirokastrës, si pjesë e shpimeve në Bllokun 4.




Vendimi u mor pas protestave lidhur me shqetësimet mjedisore.

Ministria e Energjisë dhe e Infrastrukturës e Shqipërisë nënshkroi një marrëveshje për eksplorimin e naftës me “Shell Upstream Albania” për Bllokun 4 në malin e Shpiragut në shkurt të vitit 2018, ku planifikohej të investojë 42.5 milion dollarë në një periudhë prej shtatë vjetësh.

Blloku 4 përfshin zonën midis Sarandës dhe Gjirokastrës. “Shell” është gjithashtu e angazhuar në eksplorimin e gazit dhe naftës në Bllokun 2 dhe Bllokun 3 në Shqipëri.

“Përkundër rezultateve pozitive të studimit në Bllokun 4, “Shell” nuk do të kryejë aktivitete shpuese në zonën e mbrojtur të Zagoria, e cila gëzon mbrojtje të veçantë”, raportoi “Daily News” në 25 janar duke cituar drejtorin e “Shell Upstream Albania”, Rohan D’Souza.

Rajoni i Zagorisë është një park kombëtar me një ekosistem unik dhe kafshë të rralla.

Kryeministri Edi Rama konfirmoi përmes një postimi në Twitter se ndërpritet procesi i shpimit në atë zonë.

Më 23 janar, Rama tha gjithashtu se ka indikacione për rezerva të mëdha të gazit dhe naftës në zonën e Shpiragut, pranë qytetit të Beratit.

“Nëse testet janë pozitive, ndikimi në ekonomi do të jetë i madh duke filluar nga 2020”, deklaroi Rama.

Vlerësohet se Shqipëria ka rezerva të naftës prej 220 milion fuçi dhe 5.7 miliard metra kub gaz natyror.


Shfaq Komentet (0)

Shkruaj nje koment

Your email address will not be published. Required fields are marked *

* *

This site uses Akismet to reduce spam. Learn how your comment data is processed.