AKTUALITET

Balluku: Potencial për zhvillimin e ekonomisë

18:00 - 27.05.19 Gazeta Shqiptare
GSH APP Get it on Google Play

Pas disa vitesh aktivitetit kërkues dhe vlerësues në Shqipëri, kompania “Shell” ka konfirmuar potencialin e zbulimit të naftës në Bllokun 2 dhe 3, në zonën e Shpiragut. Ndërkohë që nxjerra e fuçive të para pritet të nisë brenda 18 muajsh. Në një dalje për mediat, ministrja e Infrastrukturës dhe Energjisë,




Belinda Balluku tha se ky zbulim ka një rëndësi të veçantë, pasi mund të jetë zbulimi i parë i naftës në 30 vitet e fundit në Shqipëri. Rëndësi ka që është zbuluar naftë e lehtë që Shqipëria është prodhuese, ekspertët më konfirmojnë se nafta e rëndë nuk është shumë e preferuar dhe e kërkuar në tregje dhe zbulimi i kësaj nafte të lehtë na bën që të fillojmë dhe të kemi një rëndësi të madhe në tregun e hidrokarbureve botëror për sa i përket tregtimit të tij dhe sigurisht, siç dhe unë thash në fjalën time, furnizimi i rafinerive vendëse, por edhe i të huajave me naftë të lehtë është shumë më i kërkuar dhe më i duhuri. Sipas Ballukut, ky zbulim do të ketë implikime të rëndësishme ekonomike si për kompaninë, ashtu edhe shtetin shqiptar. Sikurse përcaktohet në marrëveshjen e hidrokarbureve me “Shell”, shteti shqiptar përfiton rentë minerare, pjesën e tij të prodhimit, si dhe tatim mbi fitimin që nga fuçia e parë e prodhuar. Çfarë është edhe më e rëndësishme, prodhimi nga ky pus do të stimulojë punësimin, do të rrisë furnizimin me naftë të rafinerive vendëse, do të inkurajojë krijimin e ekonomive të shkallës në sektorin e ‘downstream’ dhe do të krijojë standarde më të larta të prodhimit në atë të sektorit ‘upstream’.


Shfaq Komentet (0)

Shkruaj nje koment

Your email address will not be published. Required fields are marked *

* *

This site uses Akismet to reduce spam. Learn how your comment data is processed.