EMRAT/ Dëmshpërblimi i tërmetit, 470 familjet në Tiranë që do dëmshpërblehen e marrin bonus qiraje

– 270 familjet që marrin bonus qiraje pas tërmetit të 26 nëntorit

– Lista e 200 përfituesve që do kompensohen për dëmet e tërmetit të shtatorit

Këshilli Bashkiak i Tiranës miratoi mbrëmjen e sotme listën e tretë të bonusit të qirasë për 266 familje të tjera, shtëpitë e të cilave janë bërë të pabanueshme për shkak të tërmetit, duke e çuar në total në afro 1200‬. Pas përgatitjes së dosjeve në një kohë rekord, Bashkia e Tiranës ka bërë të mundur kalimin e listës së familjeve të prekura nga tërmeti i 26 nëntorit që kanë aplikuar për bonos qiraje me kushtet e tregut. Masa e bonusit të qirasë është përcaktuar në bazë të njësive të banimit dhe të gjitha këtyre familjeve shuma e akorduar do t’u kalojë në llogaritë e tyre bankare ose mund ta tërheqin përmes postës. Gjithashtu Këshilli Bashkiak miratoi edhe listën me 200 familje të tjera që përfitojnë dëmshpërblim nga tërmeti i 21 shtatorit.
Kryetari i Bashkisë së Tiranës falënderoi në mënyrë të veçantë strukturat që kanë mundësuar në një kohë shumë të shpejtë të përgatisin dosjet dhe tu vijnë qytetarëve në ndihmë me bonusin e qirasë dhe dëmshpërblimet. “Unë vërtet nuk jam i vjetër në këtë punë, por në këto 5 vite nuk mbaj mend që të jetë punuar me keq shpejtësi, dhe burokracia të ketë funksionuar. Kemi kaluar 500 njëherë, 500 herën e dytë, dhe kemi 200 dëmshpërblime që i kalojmë sot. Aty ku është familja më e këputur, aty edhe dëmi më i madh, se i tillë është si fenomen, ku godinat e vjetra, të ndërtuara me materiale të dobëta që me gjasa janë nga familje të varfra, janë ato që të parat i nënshtrohen asaj ulërime të natyrës. Kështu që me vjen mirë që kalojmë edhe këto 200”, tha Veliaj.