Një përleshje ka ndodhur në burgun grek të Avlones, rreth orës 11 gjatë paradites së sotme.
Nuk dihet ende shkaku i përleshjes që ka shpërthyer mes tre grupeve të burgosurish, shqiptarë, grekë dhe afganë, raportojnë mediat greke.
Përleshjet erdhën menjëherë pas një kontrolli që është bërë nga gardianët e burgut në qelitë e ndryshme, dhe ky fakt ka shkaktuar nervozizëm tek të burgosurit e rinj.
Konfrontimet që thuhet se ishin tepër të dhunshme kanë ndodhur në katin përdhes të institucionit penitenciar.
Të dënuarit kanë përdorur mjete të forta me pasojë plagosjen e të paktën dhjetë personave, ku tre prej tyre kanë marrë plagë serioze prej thikave artizanale që janë përdorur gjatë përleshjeve. Ata janë dërguar menjëherë në spital.
Ende nuk është bërë i njohur identiteti i të plagosurve.