Spitali i Durrësit është përfshirë nga flakët gjatë orëve të para të mëngjesit.
Shkak për rënien e zjarrit, dyshohet të jetë një shkëndijë elektrike.
Raportohet se zjarri ka rënë në sektorin e Kirurgjisë dhe ka përfshirë katin e dytë, të tretë dhe atë të katërt të Spitalit të Durrës, duke djegur kabinën elektrike. Si rrjedhojë e rënies së zjarrit pavioni është mbushur me tym duke rrezikuar kështu dhe jetën e pacientëve.
Bëhet me dije se punonjësit e spitalit ishin të parët që vunë në lëvizje pacientët, ndërkohë që në vendngjarje mbërritën edhe forcat zjarrëfikse dhe policia. duke bërë të mundur evakuimin e pacientëve dhe materialeve në spital.
Ndërkohë, nuk ka ende një reagim zyrtar për zjarrin, por fatmirësisht nuk raportohet për njerëz të lënduar.
