Artur Metani është votuar pak minuta më parë si kryetar i Inspektoratit të Lartë të Drejtësisë, me 98 vota pro.
Ky i fundit ishte renditur i pari në listën që Këshilli I Emërimeve në Drejtësi I kishte dërguar Kuvendit, ndërsa në garë ishin edhe Sokol Stojani, Joana Sorraj, Eris Hysi dhe Lindita Troja.
Artur Metani është vëllai i deputetes socialiste, Egnaltina Gjermeni, e cila nuk ka marrë pjesë në votim, për shkak se ndodhej në kushtet e konfliktit të interesit.
Po ashtu, gjatë seancës u votua edhe emri i Milva Ekonomit si kryetare e Komisionit të Ekonomisë. Ajo mori 84 vota pro dhe do të zërë vendin e Arben Ahmetajt.
Shfaq Komentet (0)