Një ngarkesë prej 16 kg heroinë është kapur në portin e Ankonës. Droga ishte fshehur brenda një kamioni, e cila u zbulua nga rojet kufitare. Si rrjedhojë, një shtetas shqiptar 38-vjeçar ka rënë në prangat e policisë italiane.
Lënda narkotike u zbulua të enjten, 16 janar, ndërsa lajmi u bë i ditur sot nga organet e drejtësisë italiane.
Heroina, e cila do t’i nënshtrohet testeve laboratorike, ishte brenda automjetit, e fshehur në një ndarje të posaçme. Ndërkohë, hetimet nga financuesit janë duke u zhvilluar për të kuptuar se për kë ishte destinuar dhe veçanërisht nëse shqiptari kishte kontakte në Ancona, kush e priste atë dhe ku ishte destinacioni përfundimtar.
Shfaq Komentet (0)
