Kreu i Partisë Demokratike, Lulzim Basha është ndalur ditën e sotme në Kukës, ku ka takuar qytetarët. Nga Kukësi, Basha shprehet se të rinjtë kërkojnë mundësi për të punuar, ndërsa qeveria i ka lënë në harresë dhe i ka varfëruar.
“Në Kukësin e varfëruar e të harruar nga qeveria, të rinjtë kërkojnë mundësi për të punuar, mundësi për të jetuar, mundësi për të zgjedhur. Emigrimi nuk është zgjedhja e tyre, por oferta e vetme e kësaj qeverie për ta. Megjithatë i gjeta me zemrat plot me shpresë dhe me vendosmëri frymëzuese për ta ndryshuar këtë realitet, një orë e më parë. Falemnderit të rinjve dhe të rejave të Kukësit për mikpritjen prekëse, për bisedat dhe për frymëzimin që jeni dhe përcillni! #PotëDëgjoj”, shkruan Basha.
Shfaq Komentet (0)