Një bandë e përbërë prej 20 personash, vranë katër policë dhe plagosën disa të tjerë para një gjykate në Honduras për të liruar kryetarin e tyre, Alexander Mendoza. Ngjarja ndodhi në gjykatën e “El Progreso” rreth 140 kilometër nga kryeqyteti i Tegucigalpa .
Kreu i bandës, i njohur si “Porkys” ishte dënuar në dhjetor të 2015 me 20 vite burg për vrasjen e dy personave. Ndërkohë ministri i rendit ka ofruar 39 mijë dollarë për këdo që jep informacion për të arratisurin Alexander Mendoza.
https://youtu.be/AaMucwSed1w
Mediat ndërkombëtare raportojnë se MS-13 i njohur ndryshe si Mara Salvatrucha apo Barrio 18 e kanë kthyer Hondurasin në një nga vendet më të rrezikshme të botës për shkak të trafikantë të shumtë të drogës.
Në 2019 Hondurasi kishte raportin e vrasjeve 44 për çdo 100 mijë banorë, një nga më të lartat në botë dhe shumë qytetarë janë me sytë nga emigrimi drejt SHBA.