Gazetari Arjan Çani ka listuar kriteret që duhet të ketë një vajzë për të qenë pjesë në “Zonë e Lirë”, si Sofia e re. Me sa duket, jo çdo vajzë mund të ketë hapësirë për të qenë pjesë në emisionin e Çanit, pasi kërkesat qenkan specifike. Sipas postimit në faqen zyrtare të emisionit “Zonë e Lirë” në “Facebook”, Sofia e re duhet të jetë nga Tirana e poshtë, duke përjashtuar kështu vajzat nga veriu i Shqipërisë. “Kërkohet një Sofi për emisionin ‘Zonë e Lirë’. Kriteret: Bionde por jo shumë, e bukur por jo shumë, sexy, por jo shumë, 19/20 vjeç jo më shumë. Banuese në Tiranë, por jo në qytetin e Astirit. Me origjinë nga Tirana e poshtë, e thjeshtë, modeste, pa pordhë, me këmbë në tokë, e buzëqeshur. Çdo vajzë e interesuar që plotëson këto kritere, të nisë emrin, mbiemrin dhe 7 foto të ndryshme të saj në ‘Whats App'”, – shkruhet në faqen zyrtare, në “Facebook” të “Zonë e Lirë”.
