Austria dhe Kroacia kanë konfirmuar rastet e para nga virusi vdekjeprurës.
Austria ka konfirmuar të paktën deri më tani dy raste të infektuar nga koronavirusi. Lajmi është konfirmuar nga mediat vendase, ku thuhet se të dy personat e infektuar janë nga provinca e Tirolit. Ndërkohë ende nuk ka asnjë shpjegim se nga ka ardhur koronavirusi në këtë zonë. Megjithatë zona e Triolit kufizohet me veriun e Italisë dhe dyshohet se infeksioni të ketë ardhur nga Italia.
Autoritetet në Austri po përpiqen të reagojnë për të gjetur “rastin 0” që shpërndau virusin, ndërkohë po merren masat e nevojshme për të izoluar dy rastet në fjalë.
Ndërkohë, kryeministri kroat Andrei Plenkoviq, saktësoi se i infektuari është një burrë i ri, gjendja e të cilit është stabile. Raportohet se ai është i shtruar në Klinikën e Sëmundjeve Infektive “Dr. Fran Mihaljeviq” në Zagreb.
Ndërkohë, po iu bëhen analizat edhe personave të tjerë, që kanë punuar në Itali.