Një grua është vrarë me thikë nga bashkëshorti i saj, brenda një dyqani. Ngjarja tragjike ka ndodhur te sheshi “Azem Hajdari”.
Dëshmitarët i thanë gazetares Klodjana Haxhiaj, se çifti kishte debate të ashpra prej disa ditësh. Ndërkohë, pas krimit burri vrasës është larguar nga vendi i ngjarjes.Ndërkaq Policia ka reaguar zyrtarisht duke thënë se është arrestuar autori i ngjarjes së rëndë.
Durrës/Informacion paraprak
Më datë 26.02.2020, rreth orës 11:35, në lagjen Nr. 12, Durrës, shtetasi R. T., 63 vjeç, banues në lagjen Nr. 7, Durrës, në dyqanin që tregton metrazhe, dyshohet se ka goditur me levë hekuri, bashkëshorten e tij, shtetasen H. T., 59 vjeçe, e cila ka ndërruar jetë si pasojë e plagëve të marra.
Shërbimet e Policisë kanë arrestuar në flagrancë autorin e dyshuar të ngjarjes.
Në vendngjarje ndodhet grupi hetimor, ku vijon punën për sqarimin dhe dokumentimin e ngjarjes.