Koronavirusi ka shënuar 2 viktima të tjera në Itali duke e çuar në 14 numrin e tyre, ndërkohë numri të prekurve është 528.
Mediat italiane raportojnë se 46 persona janë rekuperuar nga sëmundja.
E shëruara e parë nga ky virus është një 47-vjeçare nga rajoni i Venetos, e cila tha për të përditshmen Corriere della Sera se kishte marrë vetëm një ilaç për dhimbje koke dhe asgjë më shumë. Nuk kishte pasur temperature dhe mjekët e kishin këshilluar të merrte antigrip të zakonshëm në shtëpi.
Autoritetet lokale në Milano thanë se së shpejti do t’i jepet fund gjendjes së jashtëzakonshme dhe se do të hapen gradualisht institucionet publike, teatrot, muzetë e shkollat.
Shfaq Komentet (0)