11 raste të reja janë shënuar në Greqi nga koronavirusi, duke çuar kështu numrin e të infektuarve në 84 persona. Sipas raportimeve zyrtare, 56 persona me koronavirus, kanë qenë pjesë e një grupi që është infektuar përgjatë një udhëtimi.
Nga numri total i të infektuarve, 57 persona gjenden në izolim shtëpie, ndërsa 27 të tjerët janë të shtruar në spital, njëri prej tyre në gjendje më të rënduar pasi rezulton edhe me pneumoni.
Greqia njoftoi se të gjitha ngjarjet sportive të cilat do mbahen pas dyerve të mbyllura dhe udhëtimet shkollore janë të ndaluara për dy javë, gjithashtu dhe se qendrat rekreative për të moshuarit do të mbyllen për katër javë.
Shfaq Komentet (0)
