Koronavirusi/ Thellohet numri i të infektuarve në Greqi, 3 pacientë në gjendje të rëndë

Vijon të rritet numri i të infektuarve me koronavirus në Greqi. Deri më tani raportohet se  99 persona janë prekur nga virusi në fjalë.

Sipas Ministrisë së Shëndetësisë bëhet fjalë për 95 persona shtetas grekë dhe për 4 persona me shtetësi të huaj.

Sipas mediave greke 3 prej të infektuarve janë në gjendje të rëndë. Ndërkohë, ditën e djeshme Greqia vendosi që të mbyllen të gjitha institucionet arsimore për 14 ditë si masë për të bërë të mundur ndalimin e përhapjes së virusit.