Tashmë koronavirusi ka prekur dhe Kosovën, pasi janë shënuar 2 rastet e para. Bëhet fjalë për një 20-vjeçar dhe një i moshuar.
Lajmi u bë me dije nga kryeministri Albin Kurti dhe Ministri i Shëndetësisë, Arben Vitia gjatë një konference.
“Ju njoftoj se MSH pas përfundimit të analizave në IKSHPK të 15 rasteve të dyshimta, dy kanë rezultuar pozitive dhe gjendja e tyre shëndetësore rezulton të jetë stabile, njëri është i moshës 20 vjeçar dhe tjetri i moshës mbi 77 vjeçare. Janë marrë të gjitha masat kundër personave me të cilët ata kanë qenë në kontakt.”, tha ministri Vitia.
Dihet se Kosova tashmë ka ndaluar mësimin në shkolla dhe ka kërkuar masa të mbylljes në shtepi e në restaurante e tubime tjera publike. Deri tani , qeveria kosovare ka ndarë 10 milionë euro për t’u përballë me këtë pandemi.