Kronikë

Kërcënoi me thikë mjeken e qendrës shëndetësore, pranga 47-vjeçarit në Lushnje

17:46 - 20.03.20 gsh

Një 47 vjeçar ka kërcënuar me mjet prerës shtetasen me iniciale A.V, mjeken e Qendrës Shëndetësore në fshatin Ngurrëz e Madhe të Lushnjës dhe për pasojë u arrestua nga policia.



I arrestuari me iniciale G.K ka shkuar në zyrën e mjekes dhe i ka kërkuar rimbursim për disa ilaçe që nuk janë për sëmundjen që shtetasi në fjalë është diagnostikuar dhe gjatë debatit e ka kërcënuar atë me thikë.

Njoftimi i policisë:

Lushnje

Kanos me mjet prerës mjeken e qëndrës shëndetësore në fshatin Ngurrëz e Madhe, kapet dhe arrestohet në flagrancë nga policia.

Specialistët për hetimin e krimeve në Komisariatin e Policisë Lushnje, arrestuan në flagrancë shtetasin:

G.K., 47 vjeç, banues në Ngurrëz e Vogël.

Arrestimi i këtij shtetasi u bë pasi ka kanosur për shkak të detyrës me mjet prerës (thikë) shtetasen A. V., me detyrë mjeke pranë qëndrës shëndetësore në fshatin Ngurrëz e Madhe.

Shtetasi G. K., ka shkuar në zyrën e mjekes dhe ka kërkuar nga mjekja rimbursim për disa ilaçe që nuk janë për sëmundjen që ky shtetas është diagnostikuar dhe gjatë debatit e ka kanosur atë me thikë.

Materialet i kaluan Prokurorisë pranë Gjykatës së Shkallës së Parë Lushnje për veprën penale “Kanosje për shkak të detyrës”.

 

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

This site uses Akismet to reduce spam. Learn how your comment data is processed.