Vijon të thellohet bilanci nga koronavirusi në Greqi.
Brenda 24 orëve të fundit 20 persona kanë humbur jetën, ku mosha mesatare e viktimave është rreth 75 vjeç, raportojnë mediat e huaja.
Po ashtu listës së viktimave iu bashkua dhe rasti i një 40-vjeçareje nga Kosturi, e cila kishte humbur jetën pak ditë më parë në shtëpi, ndërkohë që sot u vërtetua se vdekja u shkaktua nga COVID-19. Aktualisht në terapi intensive qëndrojnë 45 persona, shumica meshkuj, me sëmundje kronike.
Vetëm ditën e sotme janë raportuar 48 raste të reja me koronavirus, ndërsa shifra në total ka shkuar në 743. Por sipas përllogaritjeve mendohet që gjithsej numri i të prekurve të ketë shkuar në 10.000 gjithsej.
Shfaq Komentet (0)