Modelja e njohur shqiptare Emina Çunmulaj gjatë një lidhje live në emision “Opinion” mbrëmjen e djeshme tregoi si po e kalon kohën në karantinë, si masë kjo e ndërmarrë nga përhapja e koronavirusit dhe gjithashtu ka zbuluar dhe xhestin human të bashkëshortit të saj, biznesmeni Sam Nazarian.
Emina ka treguar se kohën po e kalon duke bërë ushtrime fizike dhe me dy vajzat e saj. Ndër të tjera, ajo tha se Sam iu ka dhënë punëtorëve të tij një muaj pagesë falas si dhe produkte ushqimore.
“Burri im ka 15 mijë punëtorë në të gjithë botën dhe I ka mbyllur për momentin. Disa restorante janë lënë të hapura, por vetëm për delivery. Ai është zemrëmadh dhe është organizuar t’u japë punëtorëve një muaj pagesë falas dhe produkte ushqimore”, është shprehur Emina.
