Gazetarja Ermelinda Hoxhaj ka shpërndarë ditën e sotme në Facebook, rastin e dhimbshëm të një 80-vjeçare. Fatime Saliaj ditën e sotme ka thyer karantinën, pasi kërkonte ndihmën e shtetit. Sipas asaj çfarë shkruan gazetarja, e moshuara kërkonte ndihmën e shtetit, pasi shtëpia e saj ishte shkatërruar nga tërmeti i 26 nëntorit dhe prej dy muajsh i ishte ndërprerë bonusi i qerasë.
Statusi i Ermelinda Hoxhajt
Z.Kryeministër, kjo zonja është Fatime Saliaj, 80 vjeçe. Sot e kam takuar rastësisht në rrugë, ndala pasi me vështirësi po ecte.
Dhe kishte dal pasi donte që t’ju shkruante juve një letër, një e-mail, tu niste një fjalë për hallin që ka.
Ajo z.Rama sot nuk duhet të ishte në rruge, se ju i keni ndaluar pensionistët që të dalin, por ama askush nuk u ka shkuar për ndihmë, apo tu çojë ushqime. Por kjo zonjë, ka dhe një hall tjetër, banesa i është shpallur e pabanueshme prej tërmetit të 26 Nentorit, dhe prej dy muajsh i është hequr bonusi i qerasë.
Po ju shkruaj në emrin e saj ta ndihmoni.
Mes lotëve më tha se ‘në këto 80 vite vetëm sot po trokas në dyert e shtetit, sepse kam nevojë për ndihmë, bashkëshortin e kam të sëmurë. Më kërkojnë qeranë ose do dal në qiell të hapur’.
Ju lutem kush ka një numër të kryeministrit të ma nisi.