Modeli i njohur shqiptar, prej kohësh jeton jashtë, duke shijuar jetën krah bashkëshortes së tij miliardere. Rolando Lekaj, i cili është martuar prej dy vitesh me biznesmenen shumë të fuqishme nga Kina, ka bërë kontributin e tij për situatën e vështirë që vendi po kalon. Në një status në Facebook, Lekaj bën me dije se do të dërgojë 200 mijë maska drejt Shqipërisë për mjekët, të cilët i konsideron heronj.
“Kam nderin dhe kënaqesinë të ndaj me ju miq e të dashur këtë lajm të mirë për Shqipërinë tonë të dashur. Une dhe Nusja ime kemi vendosur të ndihmojmë Shqipërinë në këto ditë të vështira. Së shpejti do arrijnë nga Kina 200.000 maska mbrojtëse për HERONJTË TANË (DOKTORËT) që po luftojnë me armikun e padukshem në vijën e parë të luftës. Për Shqipërinë që duam duhet që gjithë bashkë të bëjmë aq sa është e mundur. Të qëndroni sa më shumë në shtëpi është një ndihmë shumë e madhe në këto ditë”, shkruan Rolando Lekaj.
