Spanja ka regjistruar një numrin më të ulët të vdekjeve nga koronavirusi në në 24 oret e fundit, krahasuar me ditet e tjera, por sërish tronditës. Janë 849 viktima nga virusi, ndersa numri i te infektuarve ka arritur ne 94,417, nga 85,195 të hënën.
Numri i vdekjeve u rrit në 8,189 vetë. Lufta e Spanjës kundër koronavirusit tregon ende shifra shqetësuese, me të infektuarit që tashmë kalojnë edhe numrin e atyre në Kinë.
Ndërsa Spanja kalon në javën e tretë të mbylljes, me kufizime të mëtejshme për punëtorët jo-thelbësorë që do të zbatohen që sot, burimet mjekësore për të luftuar pandeminë janë raportuar gjerësisht si të rrezikuara.
Të hënën, e përditshmja spanjolle “El Pais” publikoi të dhëna që tregojnë se njësitë e kujdesit intensiv spitalor në tetë nga 17 rajonet autonome të Spanjës janë tashmë të mbushura.
Sa i përket numrit të madh të punonjësve shëndetësorë të infektuar, ky është diskutimi më shqetësues nga të gjithë, sipas Jose Hernandez, profesor ndihmës i sociologjisë dhe specialist në politikat e shëndetit shoqëror në Universitetin e Kordobës, shkuajne mediat e huaja.
“Kjo tregon që ose ata nuk kanë burime të mjaftueshme për ta luftuar atë, ose masat për të shmangur ngjitjet nuk janë zbatuar sa duhet, sepse stafi është aq i mbingarkuar me raste”, tha ai.
Raportet e pakonfirmuara të hënën sugjeruan se kushtet për pacientët dhe stafin në spitalin e ri në terren 5,000 shtretër që u hap javën e kaluar në qendrën gjigande tregtare “IFEMA “të Madridit ishin, në disa raste, me shumë rrezikshmëri. Të dhënat gjithashtu sugjerojnë se numri i punonjësve shëndetësorë të prekur nga koronavirusi tashmë përfaqëson rreth 14 përqind të të gjitha rasteve.