Kryesore

Liga e Serie A vendos: Kampionati italian do të nisë më 13 qershor

18:22 - 13.05.20 gsh

Duke qenë se duhet mbyllur çdo gjë brenda 2 gushtit për t’i lënë hapësirë Champions League dhe Europa League, në mbledhjen e sotme që Liga Profesioniste e Serie A zhvilloi nëpërmjet videokonferencës, u propozua dhe u votua nga pjesa dërrmuese e klubeve që kampionati të rinisë më 13 qershor.



Serie A ka ende 12 javë për të luajtur dhe katër ndeshje të prapambetura për të rikuperuar: Inter-Sampdoria, Atalanta-Sasuolo, Verona-Kajliari e Torino-Parma. Nëse çdo gjë shkon mbarë dhe sezoni rifillon më 13 qershor, atëherë do të ketë mundësi që të luhen edhe gjysmëfinalet e kthimit dhe finalja e Kupës së Italisë.

Në ditët e fundit klubet kanë thirrur në bazë lojtarët e huaj dhe stërvitjet individuale kanë nisur. Nga e hëna do të mund që të nisen seancat normale në grup, ku natyrisht nuk do marrin pjesë lojtarët që janë duke kryer karantinën. Tani pritet vendimi përfundimtar i qeverisë, që, duke u bazuar në deklaratat e fundit të ministrit të Sporteve, Spadafora, duhet të vijë brenda një jave kur të jetë vlerësuar më së miri kurba e infektimeve.

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

This site uses Akismet to reduce spam. Learn how your comment data is processed.