AKTUALITET

Breshëri plumbash ndaj banesës në Mat/ Policia dhe RENEA “blindojnë” zonën, arrestojnë autorin dhe gjejnë …

09:36 - 29.05.20 Gazeta Shqiptare
GSH APP Download on Apple Store Get it on Google Play

Një ngjarje e rëndë ka ndodhur në Mat, teksa një i ri ka qëlluar me armë ndaj një banese dhe më pas e ka hedhur armën në një rezervuar.




Uniformat blu kanë bërë të ditur se kanë arrestuar 25-vjeçarin me iniciale S.K, ku për lokalizimin e tij por edhe vendosjen në pranga janë përfshirë policia dhe forcat RENEA, të cilat vijojnë ende kërkimet në rezervuar për gjetjen e armës, bashkë me polumbarët.

Ndërkohë, gjatë kontrollit në banesën e 25-vjeçarit uniformat blu kanë gjetur dhe sekuestruar 320 fishekë dhe një granatë.

Njoftimi i policisë

Shërbimet e Komisariatit të Policisë Mat kanë marrë informacion se një person i paidentifikuar ka qëlluar me armë zjarri në drejtim të portës së jashtme të rrethimit të banesës së shtetasit L. N., banues në njësinë Administrative Komsi, Mat.

Menjëherë pas njoftimit të marrë, Policia e Matit ka organizuar punën dhe si rezultat i veprimeve të shpejta hetimore dhe profesionale, është bërë i mundur identifikimi në kohë reale i autorit të dyshuar dhe lokalizimi i vendndodhjes së

Falë mirorganizmit të punës u bë kapja dhe arrestimi i shtetasit S. K., 25 vjeç, banues në njësinë Administrative Komsi, i cili për motive të dobëta ka qëlluar me armë zjarri pistoletë në drejtim të banesës së shtetasit L. N.

Gjatë kontrollit të banesës së shtetasit S. K., shërbimet e Policisë kanë gjetur dhe sekuestruar 320 fishekë dhe një granatë.

Nga veprimet e para hetimore rezultoi se ky shtetas, pasi kishte qëlluar me pistoletë në drejtim të portës së jashtme të murit rrethues të banesës së shtetasit L. N. e kishte hedhur armën e zjarrit në një rezervuar.

Polumbarët e RENEA-s do të vijojnë kontrollin në rezervuar, me qëllim gjetjen e armës.

Materialet procedurale i kaluan Prokurorisë Pranë Gjykatës së Rrethit Gjyqësor Mat, për veprime të mëtejshme, për veprat penale “Armëmbajtja pa leje” dhe “Shkatërrimi i pronës”, “Prishje e qetesisë publike”

 


Shfaq Komentet (0)

Shkruaj nje koment

Your email address will not be published. Required fields are marked *

* *

This site uses Akismet to reduce spam. Learn how your comment data is processed.