Gazetari i CNN, Omar Jimenez është arrestuar nga policia teksa po raportonte për protestat e dhunshme në Mineapolis, SHBA, pas vrasjes së 46-vjeçarit afro-amerikan George Floyd, një njeri me ngjyrë, i cili ndërroi jetë duke kërkuar ndihmë, teksa një oficer policie e shtriu në tokë dhe i bllokoi frymëmarrjen duke i vendosur gjurin në qafë.
Gazetari u shoqërua në polici së bashku me kameramanin dhe producentin, ndërsa policët sekuestruan edhe kamerën e CNN, që vazhdoi të xhironte dhe të transmetonte “live” ngjarjen.
Policia ka thënë se trupa e CNN është arrestuar sepse nuk është larguar nga vendi pasi u është kërkuar një gjë e tillë. Vetëm pak orë më vonë nga arrestimi, gazetari Jimenez dhe e gjithë trupa prej katër vetash u liruan.
Shfaq Komentet (0)