Në një kohë kur shtetet më të prekura nga COVID-19 po përjetonin kulmin e pandemisë, u hap një debat i ashpër se ‘Ibuprofeni’ është një ilaç që nuk ndihmon në kurimin e pacientëve të infektuar me virusin vdekjeprurës, prandaj u ndalua dhe përdorimi i tij.
Mirëpo, shkencëtarët britanikë po testojnë “Ibuprofen-in”, si një ilaç që mund të ulë deri në 80% vdekshmërinë nga koronavirusi. Lajmi bëhet i ditur nga “BBC”, i cili thekson se spitalet britanike po e përdorin ilaçin “Ibuprofen” për të lehtësuar simptomat e pacientëve me koronavirus.
Ilaçi antiinflamatot mendohet se rrit me 80 për qind shanset e mbijetesës ndaj sëmundjes infektive në eksperimentet me kavjet, dhe në të njëjtën kohë ndihmon parandalimin e problemeve të frymëmarrjes, një efekt anësor i rrezikshëm për personat bartës të koronavirusit.
Sipas ekspertëve britanikë, trajtimi me “Ibuprofen” mund të shkurtojë kohën e shtrimit të pacientëve në pavijonet e kujdesit intensiv shëndetësor.