Aktualitet

Rama konferencë pas takimeve në Kosovë: Aktakuza abortoi procesin e paqes

14:43 - 30.06.20 gsh

Kryeministri Edi Rama mban një konferencë në aeroportin Adem Jashari të Prishtinës duke thënë se erdhi në Kosovë për një nevojë kombëtare për të mbështetur. Rama tha se aktakuzat ishin fletërrufe të ngjashme si komunikatat gjatë revolucionit kulturor kinez.



Më tej Rama tha se publikimi i aktakuzave mundsuan abortimin e procesit të paqes.”Së pari, dëshiroj të bëj të qartë faktin se unë jam këtu në funksion të një nevoje kombëtare besoj për t’i dhënë mbështetjen të plotë Kosovës dhe të gjithë përfaqësuesve politikë të saj në kushtet kur e dinë të gjithë ka ndodhur diçka e rëndë dhe thellësisht e padrejtë.

Pothuajse për 2 dekada në Kosovë procesi i vënies së drejtësisë për krimet e luftës është konceptuar, është mbështetur dhe është zhvilluar si një proces i pandashëm nga nga procesi i shtetndërtimit, i pajtimit nëdretnik, integrimit europian, i dialogut dhe normalizimit të marrëdhënieve me Serbinë. në këtë formë është formuluar edhe në strategjinë e zgjerimit nga BE. Është krejt e kuptueshme që procesi i vështirë i pajtimit nuk është vetëm çështje e ballafaqimit me të kaluarën nëpërmjet drejtësisë, por edhe çështje e ndërtimit të së ardhmes nëpërmjet politikës.

Dhe komunikata e ashtuquajtur, një fletërrufe, e ngjashme si dy pika uji me komunikata në thonjza publike përgjatë revolucionit kulturor kinez, një shfaqje që e kemi jetuar në diktaturën e Shqipërisë, është e pashembullt, dhe e kombinuar me momentin kur u publikua, përbën një arsye, pavarësisht nëse është e qëllimshëm apo i rastësishëm, për të thënë se historia e kësaj gjykate speciale të radhës nisi të shkruhet me një akt që abortoi një proces që lidhet me paqen politik, që lidhet me paqen. Sigurisht, që takimi në Shtëpinë e Bardhë përbën një moment të rëndësishëm dhe është vijim i në përpjekje me shumë stacione, por edhe një mundësi për ta çuar procesin në një nivel të ri me mbështetjen e drejtpërdrejte të SHBA”, tha Rama.

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

This site uses Akismet to reduce spam. Learn how your comment data is processed.

CLOSE
CLOSE