Vendi ynë prej ditësh po përjeton temperature të larta. Sipas sinoptikanëve, Shqipëria është përfshirë nga vala e të nxehtit saharian, ku temperaturat shënojnë mbi 38 gradë celcius.
“Duke nisur nga sot deri në ditët e fundit të maujit qershor pritet të ketë një avancë i të nxehtit nga Saharaja që ka sjellë një rritje të temperaturave.Por mund të themi se deri ditën e martë në zonat malore do ketë prani të paktë të reshjeve të shiut në formën e stuhive të izoluara.
Ndërsa nga dita e mërkurë dhe fillimi të muajit korrik deri javën e parë pritet të jetë vala e parë e të nxehtit nga Saharaja i cili do përfshijë territorin e Shqipërisë.
Temperaturat në zonat malore do arrijnë deri në 35 gradë, ndërsa bregdeti dhe zonat qendrore do i kalojë 38 gradët“, tha sinoptikania për RTSH.
Sipas saj 10 ditëshi i parë i Korrikut do jetë me temperatura shumë të larta.