Një 63-vjeçar ka humbur jetën nga koronavirus në Kosovë. Në klinikën Infektive në Prishtinë raportohet të ketë ndërruar jetë Isuf Murati, banues në Gjilan.
Lajmin e ka konfirmuar dhe kryetari i Komunës së Gjilanit, Lutfi Haziri.
“Fatkeqësisht në përballjen me pandeminë globale COVID-19, sot nga jeta është ndarë edhe qytetari i Gjilanit, i katërti në këtë pandemi, Isuf Murati. Nga njoftimi që kemi marrë prej Qendrës Klinike Infektive në Prishtinë, sot ishte një lajm i vështirë për të gjithë ne. Ngushëllojmë familjen dhe garantojmë se do të jemi pranë tyre në këto ditë të vështira, sepse nuk e kanë të lehtë ballafaqimin me këtë ndarje nga më i dashuri i tyre. Ceremonia e varrimit do të organizohet nga Komuna e Gjilanit në kushte pandemie.”
Shfaq Komentet (0)
