Aktorja e njohur e serialit amerikan “Glee” Naya Rivera besohet se është mbytur në liqen, ndërsa djali i saj 4-vjeçar Josey është gjetur në gjumë në barkën e tyre të marrë me qera.
Autoritetet gjetën mbrëmë të miturin në liqenin Piru, në jug të Kalifornisë, ndërsa burimet e mediave të huaja janë shprehur se kishin parë nënë e tij “të kërcente në ujë e të mos kthehej më”.
Policia e Ventura nisi kërkimet për 33-vjeçaren e cila dyshohet të jetë mbytur: “Personi i humbur në liqenin Puru është identifikuar si 33 vjeçarja Naya Rivera, nga Los Angeles. Operacionet e kërkimit kanë nisur.”
Zhytësit nuk arritën të gjenin aktoren deri në muzgun e mbrëmshëm, ndërsa kërkimet vijojnë. Liqeni Piru ka pasur raportime të vazhdueshme për humbje jete nga mbytja dhe zona piktoreske tashmë konsiderohet po aq e rrezikshme sa bregdeti i oqeanit.