Kronikë

OFL zbarkon në Tiranë e Kavajë, iu kërkon deklarimin e pasurisë 4 të dënuarve për vrasje e trafik droge (Emrat)

11:19 - 13.07.20 gsh

Ditën e sotme Operacioni Forca e Ligjit ka zbarkuar në Tiranë e Kavajë, ku iu ka dërguar formularin e deklarimit të pasurisë  katër persona të tjetër të dënuar për trafikimm lëndësh narkotike dhe vrasje me dashje.



Bëhet fjalë për shtetasit:Arian Begaj, Ermal Lusha, Poliksen Muçollari, Eduart Sallaku.

Njoftimi i OFL:

Në zbatim të detyrave të përcaktuara në Aktin Normativ të datës 31 janar 2020, vijon pa ndërprerë Operacioni Forca e Ligjit.

Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve:

A.B., banues në Kavajë, i dënuar për veprën penale “Trafikimi i narkotikëve”;

E.L., banues në Kavajë, i dënuar për veprën penale “Trafikimi i narkotikëve”;

P.M., banues në Tiranë, i dënuar për veprën penale “Vrasja me dashje, në lidhje me një krim tjetër”;

E. S., banues në Tiranë, i dënuar për veprën penale “Trafikimi i narkotikëve” në formën e grupit të strukturuar kriminal;

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.

OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special.

OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë.

 

 

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

This site uses Akismet to reduce spam. Learn how your comment data is processed.

CLOSE
CLOSE