Media e njohur britanike “Daily Mail” ka publikuar pamje të reja të vrasjes tragjike të 47-vjeçarit me ngjyrë George Floyd nga policia amerikane.
Në videot e reja shihet në detaje se si nisi përballja e afro-amerikanit me policinë, që përfundoi tragjikisht me vdekjen e 47-vjeçarit. “Ju lutem oficer, mos më qëlloni”, Floyd i drejtohet policit duke qarë.
Në ato momente, oficeri ia kishte drejtuar armën afro-amerikanit, dhe i tha se nuk do e qëllonte. Floyd i rezistoi arrestimit, ndërsa policia u detyrua ta vendosë atë në pjesën e pasme të makinës, duke u thënë atyre se vuan nga klaustrofobia dhe ankthi.
Afro-amerikani ndërroi jetë më 25 maj në Minneapolis të SHBA-së, pasi njëri nga katër oficerët ia vendosi gjurin në qafë për më shumë se tetë minuta, ndërsa ai i thoshte policisë që nuk mund të merrte frymë.