Kronikë

Vidhnin biçikleta në disa zona të Tiranës, pranga 3 të rinjve në Kombinat

12:12 - 06.08.20 gsh

Policia e Tiranës ka arrestuar tre të rinjë në Kombinat, pasi në bashkëpunim me njëri-tjetrin, kanë vjedhur dy biçikleta, njërën në rrugën “Hoxha Tasim” dhe tjetrën në rrugën “Arkitekt Kasemi”. Në pranga përfunduan të rinjtë me inicale SH., 18 vjeç., K. SH., 17 vjeç ( vëllezër) dhe N. E., 13 vjeç



Sakaq, dyshohet se këta shtetas janë autorë dhe të disa vjedhjeve të tjera të biçikletave të ndodhura më parë në zona të njohura të kryeqytetit.

Njoftimi i policisë:

Vihen në pranga 3 shtetas të dyshuar për një sërë vjedhjesh biçikletash në zona të ndryshme të Tiranës.

Sekuestrohen në cilësinë e provës materiale dy biçikleta dhe mjetet që përdornin autorët për të kryer vjedhjet.

Specialistët për Hetimin e Krimit në Komisariatin e Policisë Nr. 1, në vijim të punës për parandalimin e vjedhjeve, zbardhjen e atyre të ndodhura më parë, si dhe për kapjen e vënien para drejtësisë të autorëve, bazuar edhe në informacionet e siguruara në rrugë operative për tre shtetas të dyshuar si autorë të vjedhjes së disa biçikletave, kanë organizuar punën dhe falë ndërhyrjes së shpejtë dhe profesionale u bë kapja dhe arrestimi në flagrancë i tre shtetasve:

SH., 18 vjeç., K. SH., 17 vjeç ( vëllezër) dhe N. E., 13 vjeç, të tre banues në Kombinat.

Këta shtetas, në bashkëpunim me njëri-tjetrin, kanë vjedhur dy biçikleta, njërën në rrugën “Hoxha Tasim” dhe tjetrën në rrugën “Arkitekt Kasemi”.

Gjithashtu, nga veprimet hetimore të kryera dyshohet se këta shtetas janë autorë dhe të disa vjedhjeve të tjera të biçikletave të ndodhura më parë në zonën e 15-katshit , “21 dhjetorit” dhe pranë Zogut të Zi.

Në cilësinë e provës materiale u sekuestruan dy biçikleta dhe mjetet që përdornin autorët për të kryer vjedhjet.

Materialet do t’i kalojnë për ndjekje të mëtejshme, Prokurorisë Pranë Gjykatës së Shkallës së Parë Tiranë, për veprën penale “Vjedhja” e kryer në bashkëpunim.

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

This site uses Akismet to reduce spam. Learn how your comment data is processed.