Pas një pauze më të gjatë se pesë muajsh si shkak i coronavirusit do të rikthehen ethet e Ligës së Kampionëve.
Disa ndeshje të Ligës së Kampionëve të fazës së 1/8-tës kanë mbetur pa zhvilluar ndeshjen e fundit pas pezullimit të futbollit shkaku i pandemisë.
Megjithatë, pas plot pesë muajsh tani rikthehet ethet e futbollit magjik të garës më prestigjioze ekipore.
Sot janë në plan të zhvillohet dy ndeshje kthyese të fazës së 1/8-tës, ku katër skuadra luajnë për dy vende të çerekfinales së Ligës së Kampionëve.
Përballje më e fortë dhe më interesante pritet të zhvillohet në Etihad, ku Manchester City pret Real Madridin.
City ka fituar takimin e parë në Santiago Bernabeu me rezultat 2-1 dhe është favorit për të kaluar tutje, por Mbretërit besojnë shumë në kualifikim.
Takim interesant pritet të zhvillohet edhe në Allianz Stadium të Torinos, ku Juventusi e pret Lyonin.
Ndeshja e parë e zhvilluar në Francë është fituar nga Lyoni me rezultat 1-0, por Bianconerët janë të bindur se do ta shkrijnë epërsinë dhe do të kalojnë në çerekfinale.
Të dy ndeshjet do të zhvillohen nga ora 21:00.
