Kronikë

Vrau mikun e tij në Gjirokastër/ “Më ofendoi dhe qëlloi me levë”, gjykata jep masën për Mihal Thimjon

12:02 - 08.08.20 gsh

Gjykata e Gjirokastrës ka dhënë masën e sigurisë “arrest me burg” për Mihal Thimjon, i cili akuzohet se ka vrarë mikun e tij Gëzim Saraçin tre ditë më parë.  Gazetarja Brikena Metaj raporton se Thimjo ka thënë para togave të zeza se gjithçka ka nisur nga një konflikt i çastit.



“Saraci me mori në shtëpi në Dervician. Më tha eja me mua në Poliçan të më shoqërosh. Gjatë rrugës nisi me ofendime të tipit “ju kaurët keni më shumë lekë, ne nuk kemi etj”. Në Poliçan puna që priste nuk i doli dhe u mërzit. Nuk hëngrëm drekë, pimë diçka, ai vetëm një gotë verë dhe u larguam. Rrugës një gur na dëmtoi gomën. E rregulluam dhe levën që përdorëm e lamë mbi kroskot.

Ai nisi prapë nga të njëjtat muhabete. I fola disa herë “ç’i ke këto muhabete që më bën”, por nuk dëgjoi. Gjakrat u nxehën, ai më qëlloi me levë, unë u kundërpërgjigja dhe ika nga makina. Kur u largova nuk e dija që kishte vdekur. Lajmërova babain për ngjarjen. Ai erdhi dhe vendosi të lajmëronte policinë. Në momentin që policia më ndaloi, unë po shkoja të dorëzohesha në polici”, ka deklaruar 33-vjeçari.

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

This site uses Akismet to reduce spam. Learn how your comment data is processed.