Greqia hyn në valën e dytë të pandemisë

Greqia ka hyrë  në valën e dytë të pandemisë së koronavirusit. Kështu ka konfirmuar një nga ekspertët e sëmundjeve infektive në vend për “Guardian”.

Pasi ka regjistruar numrin më të lartë të diagnozave pozitive prej 203 rastesh të dielën, vendi ka arritur në një fazë kritike në kapacitetet e tij për të përballuar përhapjen e virusit, shkruan Ansa.

“Mund të themi se Greqia ka hyrë formalisht në një valë të dytë të epidemisë. Kjo është pika kur mund ta fitojmë ose ta humbasim betejën”, ka thënë Gkikas Magiorkinis, asistent profesor i epidemiologjisë në universitetin e Athinës.