Dy ditë pasi luajti në Prishtinë dhe i shënoi gol Kosovës, sulmuesi grek Dimitrios Limnios është infektuar me COVID-19.Ai ka rezultuar pozitiv me COVID-19 sot pas kthimit nga Kosova ku luajti dhe ndeshjen e vlefshme për Ligën e Kombeve.
Aq me fat por dhe pafat ka qenë kjo javë për futbollistin e PAOK. Ai ndihmoi Greqinë të fitojë në Kosovë 1-2, duke shënuar që në minutën e 3′ në portën e Ujkanit. Më pas mori lajmin se ekipi i tij PAOK ka pranuar ofertën e klubit gjerman Koln për transferimin e tij, teksa tashmë ai duhet të ‘ngecë’ në Greqi pasi do të jetë i detyruar të qëndrojë 2 javë në vetëkarantinim të detyruar.
Limnios është lojtari i dytë tek Greqia që rezulton me COVID-19, pas Tsimkas, mbrojtësit të Liverpool që nuk udhëtoi fare për në Kosovë.
