Ministria e Shëndetësisë ka konfirmuar vdekjen e mjekut 61- vjeçar nga Kavaja që ishte infektuar nga COVID-19.
MSH informon se mjeku ndodhej prej dy javësh në terapi intensive dhe se vuante nga disa sëmundje të tjera bashkëshoqëruese.
NJOFTIMI NGA MSH
Ministria e Shëndetësisë dhe Mbrojtjes Sociale njofton me hidhërim të thellë ndarjen nga jeta të mjekut të qendrës shëndetësore Helmas në Kavajë, dr. Sefer Derivishi, i cili nuk e fitoi dot betejën me COVID19.
Pas dy javësh në terapi intensive në spitalin “Shefqet Ndroqi” mjeku 61-vjeçar që vuante nga disa sëmundje, ka humbur jetën mbrëmjen e sotme, megjithë përpjekjet e parreshtura të stafit mjekësor.
Ngushëllime familjes, kolegëve dhe miqve të dr. Seferit, i cili i shërbeu deri në fund me devotshmëri komunitetit të tij!