Mbyllja te “41 bis” e imamit të vetëshpallur Genc Balla, besimtarët gati për protestë para Kryeministrisë. Shoqërohen nga policia

Një grup besimtarësh myslimanë janë shoqëruar këtë pasdite nga policia e Tiranës, pasi kishte informacione se do të protestonin para Kryeministrisë.

Mësohet se besimtarët myslimanë ishin mbështetës të imamit të vetëshpallur Genc Abduddahim Balla dhe do të protestonin para Kryeministrisë për të kundërshtuar urdhrin e ministres së Drejtësisë, Etilda Gjonaj, që ka firmosur mbylljen e Ballës në regjimin e posaçëm “41 bis”, duke kërkuar nxjerrjen e tij prej aty.

Policia ka pasur informacione për protestën e besimtarëve, dhe është organizuar, duke i shoqëruar, për shkak se nuk lejohen protestat nga situata e krijuar nga pandemia e koronavirusit.