BOTA

E zhdukur prej dy vitesh, 46-vjeçarja gjendet e gjallë në mes të oqeanit

21:55 - 29.09.20 gsh
GSH APP Download on Apple Store Get it on Google Play

Një grua e cila ishte zhdukur prej dy vitesh është gjetur duke notuar në brigjet e Kolumbisë.




Familjarët e saj nuk kishin asnjë ide se ku ishte deri së fundmi kur ajo u gjet duke pluskuar rreth një milje larg një plazhi nga qyteti i Puerto Colombia në Atlantico më 26 shtator.

Më vonë, gruaja u identifikua si Angelica Gaitan, 46 vjeçe. Kur u gjet nga peshkatari Rolando Visbal, Angelica ishte në gjendje të dobësuar me me shenja hipotermie pasi kishte kaluar tetë orë në det.

Pasi u shpëtua, ajo u shpreh për mediat vendase se ishte hedhur në oqean për të vrarë veten pasi ishte viktimë e abuzimit nga ana e ish-bashkëshortit.

Pasi e mori veten në spital, Angelica u shpreh se ishte penduar për veprimin që bëri ndërsa shtoi se zoti e kishte shpëtuar nga mbytja gjatë sprovës tetë orëshe.

“Unë kam lindur përsëri, falë Zotit. Nëse do të kisha pasur një mundësi ose një ndihmë, nuk do ta merrja atë vendim. Tani jam shumë mirënjohëse sepse Zoti më dha një mundësi të re për të ecur përpara,” tha ajo.

Se çfarë kishte bërë ajo në dy vitet e mëparshme dhe si përfundoi në det, nuk dihet dhe aktualisht po hetohet nga policia.


Shfaq Komentet (0)

Shkruaj nje koment

Your email address will not be published. Required fields are marked *

* *

This site uses Akismet to reduce spam. Learn how your comment data is processed.