Vaksina e COVID-19 ‘Moderna’ duket se krijon një përgjigje imune më të fortë tek njërëzit e moshuar sesa tek të rriturit.Kjo një shenjë pozitive pasi shumë vaksina nuk kanë funksionuar aq mirë tek të moshuarit.Një studim i botuar në New Journal of Medicine zbuloi se vaksina ‘Moderna COVID-19’ shkaktonte një përgjigje të sistemit imunitar të fortë tek njerëzit mbi 56 vjeç sesa tek të rriturit e moshave 18 dhe 55.
“Kjo është shumë premtuese, por është edhe disi e habitshme,” tha David Dowling, një imunolog dhe profesor në Shkollën Mjekësore të Harvardit, i cili studion vaksinat.Njerëzit e moshuar janë personat me riskun më të lartë sipas Qendrave për Kontrollin dhe Parandalimin e Sëmundjeve.Njerëzit 50 deri 64 vjeç kanë katër herë më shumë gjasa të shtrohen në spital dhe 30 herë më shumë të ngjarë të vdesin nga COVID-19 sesa njerëzit midis moshës 18 dhe 29 vjeç.
Ata të moshës 65 deri 74 vjeç kanë pesë herë më shumë gjasa të shtrohen në spital dhe 90 herë më shumë të ngjarë të vdesin.Studimi Moderna u krye nga studiuesit në Universitetin Emory në Atlanta dhe përfshiu dy grupe me nga 20 persona secili, njëri i përbërë nga njerëz të moshës 56 deri në 70 vjeç dhe tjetri nga persona 71 vjeç e lart.Pjesëmarrësit u regjistruan në Atlanta, Seattle dhe Bethesda, Maryland.
Rezultatet u krahasuan me rezultatet e raportuara më parë midis marrësve të vaksinave midis 18 dhe 55 vjeç.”Përgjigjet imune ishin shumë të krahasueshme” tha Dr. Evan Anderson, një profesor i sëmundjes infektive në Shkollën Mjekësore të Universitetit Emory.Vaksina eksperimentale e mRNA-1273 e Moderna tani është në provat klinike të Fazës 3 në Shtetet e Bashkuara të Amerikës.Konsiderohet si një garues i parë në mesin e katër vaksinave kandidate aktualisht në provat e fazës së fundit.
Pasja e një vaksine që funksionon mirë për njerëzit e moshuar mund të sjellë një ndryshim të madh në shpërndarjen e vaksinave COVID-19.Ka pasur frikë se ndonjë vaksinë e aprovuar mund të mos funksionojë aq mirë tek të moshuarit.Prej kohësh njihet që sistemi imunitar i një personi dobësohet ndërsa plaken.
“Me rritjen e moshës, përgjigjet tona imune në përgjithësi bien dhe një numër vaksinash të ndryshme priren të mos funksionojnë aq mirë sa plakemi. Kjo është arsyeja pse kemi vaksinën e dozës së lartë të gripit për njerëzit 65 e lart”, tha Anderson.
Studimi përfshiu vetëm 40 njerëz dhe pothuajse të gjithë ishin të bardhë, kështu që studiuesit pranuan se ishte e nevojshme një popullsi më e gjerë në studim për të konfirmuar rezultatet./syri
