Aktualitet

Flet specialistja e ISHP: Ja kush raste me COVID kanë prioritet

15:34 - 23.11.20 gsh

Specialistja e ISHP, Eugena Tomini në një lidhje live për Neës24 ka sqaruar e shpjeguar disa prej pikëpyetjeve dhe shqetësimeve të qytetarëve sa i përket testimeve.



Tomini deklaroi se sa i përket shqetësimit për vonesat e rezultatit të tamponëve deri në 72 orë, ajo thekson se për ISHP prioritare janë rastet e rënda me komplikacione që duan me patjetër trajtim spitalor të dedikuar.

Ajo thekson se për një pacient që mund të jetë i dyshuar me COVID-19, por që ka simptoma të lehta ose nuk ka fare, vonesa e rezultatit nuk ndikon teksa mjafton të ndiqet nga mjeku i familjes si rast.

EUGENA TOMINI: Dua të saktësoj një dilemë. Për rastet që janë me komplikacione, duan trajtim spitalor në COVID-1, COVID2 etj , janë prioritare, nuk neglizhohet.

Rastet që janë në pritje të tamponit, me klinike të lehtë, raste ambulatore, monitorohen nga mjeku i familjes.

Nuk e komplikon situatën dhënia e tamponit, sepse monitorohen nga mjeku i familjes. Një rast që pret tamponin 72 orë, raportimi i shkon dhe më pas. Rast që është i dyshuar për COVID-19 i merret tampon, është i dyshuar për COVID-19.

Specialistja Tomini garanton se tashmë hetimi i ISHP në këtë valë të dytë të COVID-19 është shumë më tepër i zgjeruar dhe i lartë se në valën e parë. Faktorët që kanë ndikuar sipas saj janë masat e lehtësuara këtë dimër në krahasim me pranverën e kaluar si dhe shtimi i kontakteve.

PYETJA: Hetimi epidemilogjik, vala e parë ka pasur hetim më të kujdesshëm? Tani është lehtësuar?

EUGENA TOMINI: Hetimi epidemiologjik vijon në bazë të temperaturët apo karakteristikave.

Në pjesën e valës së parë, kemi të bëjmë me dy sezone, tek karantina e theksuar dhe tani në dimër. Niveli ikontakteve, numri më i madhi kontakteve, nën efektin e masave të lehtësuara ndryshon në dinamikë. Periudhën e karantinës në valën e parë kemi parë orë më pak të ekspozuara, më pak kontakte.Tani kemi ekspozim më të lartë, më shumë kontakte. Për rrjedhojë, ngaqë është sëmundje që nuk ka dhe shenja në 80% të rasteve, favorizon në transmetueshmëri.

 

Kjo ka reflektuar në më shumë testime. Është një hetim i zgjeruar, shumë herë më i lartë se në karantinën e parë apo masat shtrënguese.

Po ashtu Tomini ka sqaruar edhe heqjen e ritestimeve. Ajo thekson se është vënë re se nga vlerësimi i rasteve që janë ritestuar pas 14 ditësh, pozitiviteti ka qenë në një gradë të papërfillshme. Ajo shton se nëse pacientët pasi humbin simptomat për 72 orë atëhere mund të kthehen lirshëm në rutinën e tyre.

PYETJA: Heqja e testimit të dytë, negativizimit, pas 14 ditësh quhet i shëruar. A ka gjasa që të ketë infektime kështu?

EUGENA TOMINI: Për sa i përket protokollit për heqjen e ritestimeve, janë hequr. Nga vlerësimi që është bërë, pozitiviteti pas testimit të parë është në grada të papërfillshme në shumicën e rasteve.

Prandaj dhe personat zbatojnë protokollin e karantinës, të qenit 72 orë pa shenja klinike, atëhere duhet të paraqiten në ambientet e punës apo për të vijuar aktivitetin rutinë.

Por disa grupe specifike, si mjekët, mësuesit, duhet të ritestohen, nëse kalojnë periudhën 14-ditore ritestohen deri në negativizim.

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

This site uses Akismet to reduce spam. Learn how your comment data is processed.