Klodian Kola, 27-vjeçari i cili dyshohet se ka vrarë me armë gjahu pa dashje shokun e tij Elidon Basha ka hedhur poshtë akuzat e ngritura ndaj tij para uniformave blu duke pretenduar se mund viktima mund të jetë qëlluar nga një person i tretë.
Burime bëjnë me dije se i riu ka marrë një plagë plumbi në krah dhe ka humbur jetën si pasojë e gjakderdhjes. Fillimisht ai është dërguar në spitalin e Dibrës ku ka marrë edhe ndihmën e parë mjekësore.
I riu është transportuar drejt spitalit të Traumës në Tiranë, por si pasojë e plagës së rëndë nga e cila ka pësuar gjakderdhje i riu ka ndërruar jetë. Ndërsa, po vijojnë hetimet për sqarimin e plotë të rrethanave të saj.
Ngjarja e rëndë ndodhi rreth orës 23:30 të mbrëmjes së djeshme, në një kodër të fshatit Fushë Bulqizë, ku shtetasi K. K., së bashku me shtetasin E. B., në rrugën Fushë Bulqizë – Kodër Dane, dyshohet se kanë qenë duke gjuajtur me armë gjahu çifte.
