Detaje të reja zbardhen nga vetëhedhja e pacientit 60-vjeçar nga spitali Covid-2 “Shefqet Ndroqi”.
Gazetarja Dorjana Bezat raporton se 60-vjeçari është hedhur nga kati i tretë i spitalit, ku kishte 10 ditë i shtruar nga Covid-19. Bëhet me dije se gjendja e tij shëndetësore ishte e agravuar, çka ka bërë që pacienti L. S. nga Rrësheni t’i japë fund jetës në mënyrë tragjike.
Siç raporton gazetarja Bezat, pacienti është hedhur nga dritarja e dhomës së tij, teksa kishte gjetur pikërisht një moment kur lëvizja e mjekëve dhe infermierëve ishte më e reduktuar.
Ndërkohë, policia ka sekuestruar kartelën mjekësore të pacientit dhe ka marrë në pyetje mjekët e turnit për të zbardhur ngjarjen.
Shfaq Komentet (0)
